சீன அதிபர் ஷி ஜின்பிங்குடனான தனது உறவுகள் “முன்னெப்போதும் இல்லாத மட்டத்தில்” இருப்பதாக ரஷ்ய அதிபர் விளாடிமிர் புதின் கூறினார். இருவரும் பீஜிங்கில் மாபெரும் ராணுவ அணிவகுப்புக்கு முன்னதாக சந்தித்தனர்.
ஷி ஜின்பிங்கை தனது நெருங்கிய நண்பர் என்று புதின் குறிப்பிட்டார். இந்த உறவுகள் முன்மாதிரியானவை என்று சீன அரசு ஊடகம் தெரிவித்துள்ளது. ரஷ்யா சீனாவுக்கு எரிவாயு விநியோகத்தை அதிகரிக்க உள்ளது. அதே நேரத்தில், பீஜிங் ஒரு வருட கால சோதனையாக ரஷ்யர்களுக்கு விசா இல்லாத பயணம் செய்ய அனுமதிக்கும்.
யுக்ரேன் போரில் இரு ஆக்கிரமிப்பாளர்களுடனும் ஒற்றுமையைக் காட்டும் வகையில், வட கொரியாவின் கிம் ஜாங் உன்னை வரவேற்கவும் ஷி ஜின்பிங் தயாராகி வருகிறார்.
இரண்டாம் உலகப் போரின் முடிவில் ஜப்பானியர்கள் அதிகாரபூர்வமாக சரணடைந்ததன் 80வது ஆண்டு நிறைவைக் குறிக்கும் வகையில் புதன்கிழமை சீனாவின் மிகப்பெரிய ராணுவ அணிவகுப்பை ஷி ஜின்பிங் நடத்துகிறார்.
