சவுதி அரேபியா மீது ஹவுதிகள் தொடர்ந்து தாக்குதல் நடத்தி வருகிறது. ஹவுதிகளின் தாக்குதலை சமாளிக்க முடியாமல் திணறும் சவுதி அரேபியா மொத்தமாக சரண்டராகி உள்ளது.
ரூ.9,518 கோடி தருகிறோம். எங்களை விட்டுவிடுங்கள் என்று சவுதி அரேபியா, ஈரான் மூலமாக ஹவுதிகளிடம் பேச்சுவார்த்தைக்கு தயாராகி உள்ளதாக தகவல்கள் வெளியாகி உள்ளது.
சவுதி அரேபியா மீது ஏமன் ஹவுதிகள் தொடர்ந்து தாக்குதல் நடத்தி வருகின்றன. இந்த தாக்குதலை சவுதி அரேபியாவால் தடுக்க முடியவில்லை. சவுதியின் வான்வெளி தடுப்பு சாதனங்களையும் மீறி ஹவுதிகளின் தாக்குதல் தொடர்கிறது.
ஹவுதிகளின் ஏவுகணைகள், ட்ரோன்கள் சவுதி அரேபியாவின் விமான நிலையங்கள், எண்ணெய் நிறுவனங்களை குறிவைத்து தாக்குதல் நடத்தியதில் இதுவரை 20க்கும் மேற்பட்டோர் பலியாகி உள்ளதோடு, 300க்கும் அதிகமானோர் காயமடைந்துள்ளனர்.
அதுமட்டுமின்றி தொடர்ந்து ஹவுதிகள் நடத்தும் தாக்குதலால் சவுதி அரேபியா மக்களின் இயல்பு வாழ்க்கை பாதிக்கப்பட்டுள்ளது. விமான சேவைகள் ரத்து செய்யப்பட்டுள்ளன.
இது சவுதி அரேபியாவிற்கு பெரும் பிரச்சனையாக மாறி உள்ளது. இந்நிலையில் தான் சவுதி அரேபியா மொத்தமாக, ஹவுதிகளிடம் சரணடைந்துள்ளது.
ஒரு பில்லியன் அமெரிக்க டாலர் தருகிறோம். எங்கள் மீதான தாக்குதலை ஹவுதிகள் நிறுத்த வேண்டும் என்று சவுதி அரேபியா சார்பில் ஆபர் கொடுக்கப்பட்டுள்ளது.
ஹவுதிகள், ஈரான் ஆதரவில் செயல்பட்டு வருகின்றனர். இதனால் இதுதொடர்பாக ஈரானிடம், சவுதி அரேபியா வாக்குறுதி அளித்துள்ளதாக தகவல்கள் வெளியாகி உள்ளது.
இதனை இஸ்ரேல் ஊடகமான ‘இஸ்ரேல் ஹயோம்’ செய்தி நிறுவனம் உறுதி செய்துள்ளது. இது தொடர்பாக வெளியிடப்பட்டுள்ள செய்தியில் கூறப்பட்டுள்ளதாவது:
”சவுதி அரேபியாவின் பட்டத்து இளவரசர் முகமது பின் சல்மானின் தம்பியான பாதுகாப்பு துறை அமைச்சரும், இளவரசருமான காலித் பின் சல்மான் திடீரென்று ஈரானுக்கு சென்றுள்ளார். அப்போது சவுதி அரேபியா மீதான தாக்குதலை ஹவுதிகள் நிறுத்த கோரிக்கை வைத்துள்ளார்.
இதற்காக ஹவுதிகளுக்கு 1 பில்லியன் அமெரிக்க டாலர் வழங்கவும் தயார் என கூறியுள்ளார். இதற்காக கையோடு காலித் பின் சல்மான் அந்த பணத்தை தான் பயணித்த ‘ஹெர்குலஸ்’ ராணுவ விமானத்தில் எடுத்து சென்றுள்ளார்” என்று கூறப்பட்டுள்ளது.
இருப்பினும் இதுபற்றி ஈரான், ஹவுதி மற்றும் சவுதி அரேபியா தரப்பில் இருந்து எந்த விளக்கமும் அளிக்கப்படவில்லை.
முன்னதாக, ‘மெக்கா’ ஒப்பந்தத்தில் உள்ள நாடுகளை சேர்ந்தவர்கள் ஈரான் முக்கிய தலைவர்களை சந்தித்து பேச்சுவார்த்தை நடத்தினர்.
அதன்படி சவுதி அரேபியா சார்பில் பட்டத்து இளவரசர் முகமது பின் சல்மானின் தம்பியும், பாதுகாப்பு துறை அமைச்சருமான காலித் பின் சல்மான், பாகிஸ்தான் ராணுவ தளபதி அசீம் முனீர், துருக்கி உளவுத்துறையின் தலைவர் இப்ராஹிம் காலின் ஆகியோர் ஈரானுக்கு சென்றனர். ஹவுதிகள், ஈரான் ஆதரவில் செயல்பட்டு வரும் அமைப்பாகும்.
இதனால் சவுதி அரேபியா மீதான தாக்குதலை நிறுத்த வேண்டும் என்று ஈரான் அதிபர் மசூத் பெசஸ்கியான், வெளியுறவுத்துறை அமைச்சர் அப்பாஸ் அரக்சி, ஈரான் தேசிய பாதுகாப்பு கவுன்சிலின் செயலாளர் மொஷின் ரெசாய் உள்ளிட்டோரை சந்தித்து பேச்சுவார்த்தை நடத்தினர்.
அப்போது தான் சவுதி அரேபியா மீதான தாக்குதலை நிறுத்தினால் உடனடியாக 1 பில்லியன் அமெரிக்க டாலர் வழங்க முன்வந்துள்ளது.
ஹவுதிகளின் தாக்குதலில் இருந்து தப்பிக்கவும், பதிலடி கொடுக்கவும் ‘மெக்கா’ ஒப்பந்தத்தின்படி பாகிஸ்தான், துருக்கியிடம் சவுதி அரேபியா உதவி கோரியது. இதில் பாகிஸ்தான் தனது படை வீரர்களை சவுதி அரேபியாவிற்கு அனுப்பிய நிலையில் துருக்கி ராணுவ உதவிகளை அளித்தது.
இருப்பினும் இந்த 3 நாடுகள் கைகோர்த்தாலும் ஹவுதிகள் தொடர்ந்து சவுதி அரேபியாவை குறிவைத்து தாக்கி வருகிறது.
இதனால் தான் இனியும் பாகிஸ்தான், துருக்கியை நம்புவதை விட பணம் கொடுத்தாவும் ஹவுதிகளை சமாதானம் செய்து நாட்டை காக்கலாம் என சவுதி அரேபியா ஈரானிடம் டீல் பேசி உள்ளதாக சர்வதேச அரசியல் நோக்கர்கள் தெரிவித்துள்ளனர்.
