தென்னாப்பிரிக்காவின் கேப்டவுன் நகரில் ஞாயிற்றுக்கிழமை நடந்த பெண்கள் டி20 உலகக் கோப்பை இறுதிப் போட்டியில் ஆஸ்திரேலியா வெற்றி பெற்று 6வது முறையாக சாம்பியன் ஆகியுள்ளது.
19 ரன் வித்தியாசத்தில் தென்னாப்பிரிக்கா கோப்பையைப் பறிகொடுத்தது.
வெற்றிக் களிப்பில் ஆஸ்திரேலியா.
முதலில் பேட் செய்த ஆஸ்திரேலியா 6 விக்கெட் இழப்புக்கு 156 ரன் எடுத்த நிலையில்
இரண்டாவது பேட் செய்த தென்னாப்பிரிக்கா 20 ஓவர் முடிவில் 6 விக்கெட் இழந்து 137 ரன்களை மட்டுமே சேர்த்து தோல்வியைத் தழுவியது.
அதிரடியாக விளையாடிய லாரா வோல்வார்ட், கடைசிவரை நிற்க முடியாமல் வீழ்ந்தபோது.
ஆரம்பத்தில் மிக மெதுவாக ரன் சேர்த்துக் கொண்டிருந்த தென் ஆப்பிரிக்கா, பிறகு ஒரு கட்டத்தில் அடுத்தடுத்து விக்கெட்டுகளையும் இழந்தது.
தென்னாப்பிரிக்காவின் மற்ற எந்த வீரரும் பெரிதாக சோபிக்காத நிலையில், அதிரடியாக விளையாடிக் கொண்டிருந்த லாரா வோல்வார்ட் அவுட்டானது தென்னாப்பிரிக்காவுக்கு பேரடியானது. அவர் 48 பந்துகளில் 61 ரன்கள் எடுத்தார்.
இது தவிர ச்லீ ட்ரையான் 23 பந்துகளில் 25 ரன்கள் எடுத்திருந்தார்.
ஆஸ்திரேலியாவின் பெத் மூனி அடித்த 74
வெற்றிக்கு வழிகாட்டிய பெத் மூனி
ஆஸ்திரேலிய கேப்டன் மெக் லேனிங் டாஸ் ஜெயித்து முதலில் பேட் செய்யத் தீர்மானித்தார்.
இரண்டு அணிகளிலும் அரையிறுதியில் விளையாடிய அதே அணியே மாற்றமின்றி களமிறங்கியது.
ஆஸ்திரேலியாவின் ஓப்பனிங் பேட்ஸ்வுமன் பெத் மூனி 74 ரன் அடித்தார்.
இதன் மூலம் பெண்கள் டி20 உலகக் கோப்பை இறுதிப் போட்டிகளில் இரு முறை அரைசதம் அடித்த முதல் வீரர் என்ற பெருமையைப் பெற்றார் பெத்.
தென்னாப்பிரிக்காவின் ஷப்னிம் இஸ்மாயில், மரிசானே காப் ஆகிய இருவரும் தலா 2 விக்கெட்டுகளை வீழ்த்தினர்.
5 முறை உலக சாம்பியனாக இருந்துள்ள, நடப்பு சாம்பியனுமான ஆஸ்திரேலியா, போட்டியை நடத்தும் தென்னாப்பிரிக்காவுக்கு எதிராக 156 ரன் எடுத்து சவாலான இலக்கை நிர்ணயித்தது.
விக்கெட்டை இழந்த ஜார்ஜியா வாரேஹெம்.
ஆஸ்திரேலியாவின் ஜார்ஜியா வாரேஹெம் விக்கெட்டை வீழ்த்திய மகிழ்ச்சியில் தென் ஆப்பிரிக்காவின் ஷப்னிம் இஸ்மாயில்.
