இஸ்ரேலை ஆதரிக்கின்ற அரபு நாடுகள்!
இஸ்ரேலுக்கு எதிராக நாம் தாக்குதல்களை நடாத்துகின்ற போது அதற்கு எதிராக நீங்கள் எந்த நடவடிக்கைகளையும் எடுக்கக் கூடாது என்று ஈரான் சில அரபு நாடுகளை முன் கூட்டியே கேட்டுக் கொண்டது.
ஆனால் அந்த வேண்டுகோளை அவர்கள் நிராகரித்து விட்டதாகத்தான் தெரிகின்றது. தமது ஆகாய வெளியை இஸ்ரேலுக்கு எதிரான தாக்குதல்களுக்குப் பயன்படுத்தக் கூடாது என்று எகிப்து நேரடியாக ஈரனிடம் கூறி இருக்கின்றது.
அந்தவகையில் பார்க்கின்ற போது அவர்கள் இஸ்ரேலை ஆதரிக்கின்றார்கள் என்றுதான் எடுத்துக் கொள்ள வேண்டும்.
இஸ்ரேல் மீது ஹிஸ்புல்லா அமைப்பினர் ராக்கெட் தாக்குதல் நடத்தியதால் மத்தியக்கிழக்கில் பதற்றம் அதிகரித்துள்ளது
ஹமாஸுக்கு ஆதரவு
ஹமாஸ் அமைப்புக்கு எதிராக பாலஸ்தீனத்தின் முக்கிய நகரமான காசா மீது இஸ்ரேல் தாக்குதல் நடத்தி வருகிறது. பாலஸ்தீன மக்களுக்கும், ஹமாஸ் அமைப்புக்கும் ஆதரவாக, அண்டை நாடான லெபனானில் இருக்கும் ஈரான் ஆதரவு ஹிஸ்புல்லா அமைப்பு இஸ்ரேல் மீது தாக்குதல் நடத்தி வருகிறது.
படுகொலை
இந்த சூழலில், ஹமாஸ் அமைப்பின் தலைவர் இஸ்மாயில் ஹனியே, ஈரானில் படுகொலை செய்யப்பட்டார். இவரது படுகொலைக்கு இஸ்ரேல் தான் காரணம் என்று ஹமாஸ் அமைப்பு குற்றம் சாட்டி வருகிறது.
தாக்குதல் நடத்த உத்தரவு
எனவே, இஸ்மாயில் ஹனியே கொலைக்கு பதிலடி கொடுக்கும் விதமாக, இஸ்ரேல் மீது தாக்குதல் நடத்த ஈரான் தரப்பில் இருந்து உத்தரவு பிறப்பிக்கப்பட்டது. இதனால், இஸ்ரேல் மீது எந்த நேரத்திலும் ஹிஸ்புல்லா அமைப்பு தாக்குதல் நடத்தலாம் என்று எதிர்பார்க்கப்பட்டது.
வெளியேறுங்கள்
இந்தப் போர் பதற்றம் காரணமாக, லெபனானில் இருக்கும் இந்தியா, இங்கிலாந்து, அமெரிக்கா உள்ளிட்ட நாடுகளைச் சேர்ந்த மக்களை, உடனடியாக வெளியேறுமாறு அந்தந்த நாடுகள் அறிவுறுத்தியுள்ளன.